ಚಿಕ್ಕೋಡಿ- ಆಯಸ್ಸು, ಆರೋಗ್ಯ ಕೊಡು ದೇವರೆ ಎಂದು ದೇವಸ್ಥಾನದ ಮುಂದೆ ದೇವರಿಗೆ ದೀರ್ಘ ದಂಡ ನಮಸ್ಕಾರ ಹಾಕುವಾಗ ಕಾರು ಹರಿದು ಯುವತಿ ಸಾವನ್ನಪ್ಪಿರುವ ಘಟನೆ ಬೆಳಗಾವಿಯ ಅಥಣಿಯಲ್ಲಿ ನಡೆದಿದೆ.

ಬೆಳಗಾವಿಯ ಅಥಣಿ ತಾಲೂಕಿನ ತೀರ್ಥ ಗ್ರಾಮದ ಐಶ್ವರ್ಯ ನಾಯಕ್ ಎಂಬ 21 ವರ್ಷದ ಯುವತಿ ಕೃಷೆ ನದಿಯ ಬಳಿ‌ ದೇವಸ್ಥಾನದಲ್ಲಿ ದೇವರಿಗೆ ದೀರ್ಘ ದಂಡ ನಮಸ್ಕಾರ ಹಾಕುತ್ತಿದ್ದಳು.

ಈ ವೇಳೆ ಐಶ್ವರ್ಯ ಮೇಲೆ ಕಾರು ಹರಿದು ಸ್ಥಳದಲ್ಲೆ ಮೃತಪಟ್ಟಳು. ಪ್ರಕರಣ ದಾಖಲಿಸಿಕೊಂಡ ಅಥಣಿ ಪೋಲೀಸರು ಕಾರು ಚಾಲಕನನ್ನು ಬಂಧಿಸಿದ್ದಾರೆ.